Fadromat e Inspektoratit Kombëtar për Mbrojtën e Territorit (IKMT) kanë vijuar aksionin e shembjes së ambienteve rekreative të ‘Prestige Resort’ edhe ditën e diele.
Pushuesit e huaj dhe vendas që kishin zgjedhur të kalonin ditët e tyre të relaksit në këtë resort të njohur janë përballur sërish me një ditë ferri.
Fadromat dhe skrepat e IKMT-së kanë vazhduar edhe ditën e sotme të shkatërrojnë pishinat dhe pistën para resorit.
Një pjesë e pushuesve kanë qëndruar në mënyrë demonstrative para rruspave të IKMT-së të cilat kanë dalë në punë edhe pse dita e diele është pushim.
Por ajo çfarë kanë lënë pas këto ndërhyje mund ta shikoni në këto foto. Duket se ‘objektiv’ i institucionit që duhet të mbrojë territorin, ka qenë pikërisht shkatërrimi i ambienteve të gjelbëruara dhe të relaksit, duke lënë pas vetëm gërmadha dhe shkatërrim.
Panorama.al